5. పగతాదుల బహువచన లకారంబునకు రేఫం బగు.
పగతురు - అల్లురు - నెయ్యురు - బలియురు - మార్తురు.
6. కొన్ని డుమంతంబుల బహువచన లకారంబునకు రేఫంబును, దానికి ముందు పూర్ణబిందు పూర్వక డకారంబు నగు.
గండ్రండు - మిండ్రండు ఇత్యాదులు.
7. కాప్రత్యయంబుమీఁది బహువచన లకారంబునకు లఘ్వలఘురేఫంబులును, లఘురేఫంబునకు ముందు బిందుపూర్వక డకారంబు నగు.
విలుకాండ్రు - విలుకాఱు, వేఁటకాండ్రు - వేఁటకాఱు, వేడుకకాండ్రు - వేడుకకాఱు.
8. ఱే ప్రభృతుల బహువచనమునకు ముందు డుఙ్ఙగు.
ఱేఁడులు - ఱేండ్లు. 9. కూఁతు శబ్దము ప్రథమైకవచనంబునకు రువర్ణం బగు.
కూఁతురు - కూఁతులు - కూఁతురులు - కూతుళ్ళు. కూఁతురి నిత్యాది రూపంబులు గ్రామ్యంబులని యెఱుంగునది.
10. చెయువు బహువచన లకారంబున కలఘురేఫంబు విభాష నగు.
చెయువుఱు -చెయువులు - చెయువుఱను - చెయివులను.
11. ఆల్వాదుల బహువచన లకారంబునకు రేఫంబును ముందఱి లువర్ణంబునకు బిందుపూర్వక డకారంబు నగు.
ఆండ్రు, ఆండ్రను, ఆలు, చెలియలు, చెల్లెలు, కోడలు, మఱఁదులు ఇవి యాల్వాదులు.
0 వ్యాఖ్యలు:
Post a Comment